- قۇرمەتتى تۇرعىندار, ەلىمىزدە كوروناۆيرۋستىڭ تارالماۋى جونىندەگى ارنايى شارالاردىڭ قابىلدانۋىنا بايلانىستى قوعامدىق ورىندارعا بارۋدان اۋلاق بولۋ ۇسىنىلادى. سوندىقتان سىزگە كەيبىر قىزمەتتەردى ونلاين الۋعا بولاتىندىعىن ەسكەرتەمىز. مىسالعا, ءسىز www.iqala.kz پورتالىندا ۇيدەن شىقپاي-اق جارىق, سۋ, ەلەكتر, تەلەفون جانە قىزمەتتەردىڭ 100-دەن استام تۇرلەرىن قوسۋعا كەلىسىم-شارتتارعا قول قويۋعا بولادى, - دەدى ماليكا بەكتۇروۆا.
سونىمەن قاتار Iqala پورتالىندا تۇرعىندارعا ليفت پەن كولىك كارتالارىن تولتىرىپ, كوممۋنالدىق قىزمەتتەرگە اقى تولەۋگە, كولىك سالىعىن ەسەپتەۋگە, سۋ ەسەپتەگىشتەردىڭ كورسەتكىشتەرىن تەكسەرىپ, قايىرىمدىلىققا سالىم جاساۋعا مۇمكىندىك جاسالعان.
ال Smart Astana قوسىمشاسىندا كارانتينگە قاتىستى بارلىق اقپاراتتى الۋعا بولادى. ودان بولەك, e.astana.kz پورتالىندا ونلاين رەجيمىندە بالانى كەزەككە قويۋعا نەمەسە ونىڭ قوزعالىسىن قاداعاۋعا, پمپك ەمتيحانىنا تىركەلۋگە نەمەسە باقشادان ورىن الۋعا بولادى.
- قۇرمەتتى تۇرعىندار, تسيفرلىق قىزمەتتەردى پايدالانىڭىز, وزىڭىزگە جانە جاقىندارىڭىزعا قامقورلىق جاساڭىز, قوعامدىق ورىندارعا بارۋدى بارىنشا ازايتىڭىز, دەنساۋلىق ساقتاۋ مينيسترلىگىنىڭ ۇسىنىستارىن ورىنداڭىز جانە دەنىڭىز ساۋ بولسىن! - دەپ جازدى ماليكا بەكتۇروۆا.
